Başgicəllənmənin səbəbləri

Başgicəllənmənin səbəbləri

7 Dekabr 2023

Başgicəllənmə və ya başdönməsi

Başdönməsindən əziyyət çəkən xəstələr ətrafdakı hər şeyin döndüyünü (fırlandığını) zənn edir, fiziki cəhətdən sabit qalmaqda çətinlik çəkirlər. İnsanlarda başgicəllənməyə səbəb olan amillər içərisində xarici amillər(yəni, insanın özündən asılı olmayan), istifadə edilən dərmanlar, müəyyən xəstəliklərin mövcudluğu və s. amillər xüsusilə fərqlənir. Bu problemi aradan qaldırmaq üçün xüsusilə həkim - nevroloq köməyi ilə problemin dəqiq səbəbi araşdırılmalıdır.

Başgicəllənmə necə hiss olunur?

Başgicəllənmə, əsasən, aşağıdakı hərəkətlər icra olunduğu zaman özünü anidən göstərə bilər.

Sürətli hərəkət zamanı,
Qəfil oturma və ya ayağa qalxma,
Ağır məşq kimi fiziki fəaliyyətlər.

Başgicəllənmə səbəbləri

Başgicəllənmə bir çox xəstəliyin əsas əlaməti kimi ortaya çıxa bilər. Ona görə də bu problemin üstündən keçmək məsləhətli deyil. Baş dönməsi o qədər ciddi və ağır şəkildə özünü büruzə verə bilər ki, xəstə fərdi şəkildə hər hansı fəaliyyətlə məşğul ola bilməz. Başqa bir ehtimalla artıq evdə tək qalmaqdan, tək harasa getməkdən belə qorxar. Xəstə tarazlığı saxlamaqda çətinlik çəkə bilər və ya yıxılıb daha ağır zədələr (travmalar) ala bilər.

Başgicəllənməyə səbəb olan faktorlar:

- Xoşxassəli paroksismal mövqe vertigo

- Labirintit – daxili qulaqın iltihabı

- Miqren

- Vestibulyar nevrit

- Aşağı qan təzyiqi
- Ürək-damar xəstəlikləri
- Hipoqlikemiya
- Dəmir çatışmazlığı

- Narahatlıq sindromu və s. xəstəliklər.

Bəs sizdə başgicəllənmə tez-tez baş verir? Bunun səbəblərini araşdırmalı və özünüzü qorumalısınız.